Mi su hlumtu driver tlanbo
July 2, Ningani zan dar 8 vel khan Falkawnah bike leh truck an insú a, bike khalhtu Lalnunsanga (34), Vaivakawn, Aizawl chu a hmunah a thi. Truck hi a tlan tlang a, a khalhtu a tlanbo bawk.
He thil thleng hi an hriat veleh truck leh a khalhtu chu police-te'n an chhui zui nghal a, hmun hrang hrangah duty-te an indah a ni. Police hotute hnen aṭanga Vanglaini thu dawn danin, Ningani zan khan truck eng emaw zat leh a khalhtute man an ni a, mahse, Lalnunsanga su hlumtu finfiah theih a la ni lo. Truck leh bike insu lai hi chiang taka hmu leh truck chhinchhiah hman an awm loh avangin chhui a harsa a, chutih rual chuan, police lam chuan an la chhui zui zel a ni.