MNF MLA-te'n SEDP kalpui dan tur rêl

MNF Legislature Party (MLP) chu nimin khan an leader Zoramthanga, chief minister hoin CMO conference hall-ah an ṭhukhawm a, SEDP kalpui dan tur leh thil dang pawimawhte an rél.

MLP secretary L Thangmawia hnen aṭanga Vanglaini thu dawn danin, MLP ṭhutkhawmah hian kumin aṭangin SEDP kalpui tak tak tawh tur a nih avangin kalpui dan tura ṭha an tih leh rawtna an neihte MLP member-te chuan an sawi a; chu'ngte chu chhinchhiah vek niin, a buaipuitu turte'n hma an la ang.

SEDP bakah hian, ramri leh kuhva rah tawlh rûk chungchang, an party meeting-a ngaihtuah tawh MLA bial hming thlak, sorkar kalpui a nih dan, mahni bial chhung leh thil dang pawimawh an tihte member-te'n an sawi bawk.

Thu dawn danin, MLP ṭhutkhawmah hian Mamit bialtu MLA H Lalzirliana chu dam lohna avangin a tel lo a, mi dang zawng chu an tel vek a ni.