Hnathawhah Aizawl N II MLA lungawi

Aizawl North-II bialtu MLA Dr Vanlalthlana chuan January 12-13 chhung khan a bial chhunga MLA fund hmanga hnathawhte a enfiah a, hna thawhte chu lungawithlak a tih thu a sawi.

Dr Vanlalthlana chuan, MLA fund chu mipui ta a nih angin mipui leh khawtlang tan a ṭangkai thei ang bera hman tur a nih thu a sawi a, “Aizawl North-II chhungah MLA fund kan hmang ṭha a, khawtlangin hma kan sâwn mek zel. Ruahmanna kan neihte khawtlang leh ramin hma kan sawn zel theih nan ṭhahnemngai taka inṭawiawm a, kan hnathawhte a ṭha thei ang bera thawkin, MLA fund pawh dik taka hmang zel tur kan ni,” a ti.