Khawzawl district-ah SOP tikhauh

Khawzawl bawrhsap CC Lalchhuangkima kaihhruaia January 12, Nilainia District Disaster Management Authority (DDMA) ṭhukhawm chuan Covid-19 laka himna tura inkaihhruaina (SOP) hman mek an sawiho a; January thla chhung biak-ina inkhawm, lu mehna dawr hawn leh sport practice-te phal a ni dawn lo tih an tarlang.

Ṭhutkhawmah hian, Khawzawl district-a khaw hrang hrangah Covid-19 vei an pun zel avangin inkaihhruaina hman mek chu khauh zawka kalpui an rél a; biak-ina inkhawm (chhun leh zan), lu mehna dawr hawn leh sport practice (tournament telin)-te January thla chhung phal loh an rél a ni.

Dawr, bazar leh hawker stall-te zing dar 10 aṭanga tlai dar 4 thleng hawn phal a ni a; inneih inkhawm leh mitthi vuinaah mi 30 aia tam lo awm phal niin, HSLC leh HSSLC exam turte chauh sikul kal phal a ni.