Dawr hawn avangin hripui a darh loh thu CM-ah an thlen

Mizoram Merchant Association (MIMA) office bearer-te chuan nimin khan chief minister Zoramthanga an hmu a, dawr hawn chu hripui darhna a nih loh thu an thlen.

MIMA hruaitute hian Chief Minister chu sorkar inkaihhruaina thar ber leh dawr inhawn chhâwk chungchang an sawipui a; dawr hawn chu hri darhna a nih loh thu sawiin, economy chhe lo zawnga Covid-19 do a, nun dan tur kaihhruaina ṭha taka kalpui chu hri darh zel tur danna ṭha ber a nih thu an thlen a ni.

An thu thlente chu CM Zoramthanga pawhin dika a hriat thu leh hma a lo lak nghal tur thu a lo hrilh niin MIMA chuan an tarlang.