Nghalimluia tualthihna an dem

Lai district BJP Mahila Morcha chuan thuchhuah siamin, Sadin Mela w/o Sushil Kumar, Nghalimlui, Lawngtlai district, January 6, 2022-a a ramkalnaa thia hmuh a ni leh mi kut a tuar ngei nia a lang chu an dem thu an tarlang a; tualthattu a rang lama chhui chhuaka man thuai tura an phût thu leh a phu tâwka hrem ngei an phût thu an puang.

Sadin Mela hi January 6, 2022 khan a ramkalnaah thia hmuh a ni a, a taksaah hliam a awm nual avangin mi kut tuara thi a nih rin a ni. Hmuh a nih lai hian a kâwng achin hnuai lamah thawmhnaw a inbel lo bawk. He thil thleng avang hian Lai Women Association, Nghalimlui Branch chuan an khuaah kawngzawh an lo huaihawt tawh a ni..