PACS chungchang inhrilhfiah

Mizoram Cooperative Apex Bank (MCAB) chuan nimin khan Vawmbûk khuaah Primary Agriculture Credit Cooperative Society (PACS) chungchang inhrilhriatna hun an buatsaih a, Lai Autonomous District Council (LADC) chief executive member T Zakunga'n a hmanpui.

T Zakunga chuan, sum peipun leh vawn ṭhat kawnga mipuite'n inzirtirna an mamawh laia inzirtirna hun buatsaih a ni chu a lawmawm tih thu a sawia, "Vawmbûkah hian mipui mamawh em em sum dah khawlna tur bank kan nei ve lo a, harsatna tam tak kan tawk a ni. Apex Bank hmalaknaa PACS dinna tura training buatsaih a ni hi a lawmawm hle," a ti.

MCAB chairman T Lalmuanpuii chuan, PACS din turin tumruhna, taimakna leh rinawmna neih a ngaih thu a sawi. Inkhawmah hian mipuite'n hriatthiam loh an neihte chu Apex Bank hotute'n an hrilhfiah a ni.