MJA President-in food festival a hawng

MJA president Zonunsanga Khiangte chuan nimin khan Beraw­tlanga Tourist Complex-ah Mizo Traditional Food Festival 'Sizo Hmehpawk' a hawng. Sizo Hmehpawk hi August 25, Inrinni thleng neih a ni ang.

Zonunsanga Khiang­te chuan, Mizo chaw chi hrang hrangte chu khualzin mite leh ṭhangtharte hnenah hriattir thar leh ṭul a tih thu sawiin, "Mizo chaw leh chawhmehte hi a zahpuiawm loh a, hnam dang lo zinte pawhin an ei duh hmasa leh châk chu Mizo chaw leh chawhmeh a nih avangin, kan chawi lâr zel a pawimawh a ni," a ti. Mizo chaw leh chawhmeh chu tun aia thianghlim leh tui zawka siam zel ni se ṭha a tih thu a sawi bawk.

Khualzahawm, Sinlung Hills Council-a chief executive officer Lalṭhalien chuan, Zo hnahthlak ei leh in chu a tui avangin tihlâr zel ni se a duh tih a sawi a ni.