YMA hmalakna khawtlang tan A lo ṭha zel a ni - T Sangkunga

Thinghrangkawna Tuipuiral YMA Rûn chu nimin khan bialtu MLA T Sangkunga'n a hawng. T Sangkunga chuan, YMA hmalakna ṭhenkhatah sawiseltu awm mah se, khuareiah ram leh hnam, khawtlang tan YMA hmalaknate chu a lo ṭha zawk zel niin a sawi.

YMA Rûn hawn inkhawm hi Tuipuiral Group YMA president H Lalniliana'n a kaihruai a; T Sangkunga chuan, YMA rawngbawlna ropui a tih thu sawiin, "YMA hmalakna ṭhenkhatah sawi­seltu lo awm ve bawk mah se, khua reiah ram leh hnam, khawtlang tan a lo ṭha zawk zel. YMA chu khawtlang nun vawnghimtu a nih bakah, ramngaw, nungcha leh tuihna humhalh kawngah pawl pawimawh ber a ni," a ti.

Tuipuiral Group YMA hian YMA Rûn sakna atan BADP, MP fund leh MLA fund aṭangin cheng nuai 17 an hmu a, a sakna atan cheng nuai 14 hmangin, cheng nuai 3 chu YMA hmalakna dang atan an dah a ni.

Inkhawmah hian Tuipuiral Group YMA hian an huam chhunga fa pasarih aia tam nei nupa 10 hnenah lawmpuina thuziak an hlan.