Dr Thiamsanga'n Aizawl Civil Hospital tlawh

Health and Fami­ly Welfare Board vice chairman Dr ZR Thiam­sanga, MLA chuan nimin khan Aizawl Civil Hospital a tlawh a, hmunhma hrang hrang fangin, hmalakna kal mekte a en.

Dr ZR Thiamsanga chuan, Civil Hospital-ah ICU leh NICU, khum 20 chuang awm sa bak siam mek chu peih ṭêp a nih thu sawiin, hripui léng karah mipui mamawh hre chunga sorkarin hma a la chu lawmawm a tih thu a sawi a; labour room ṭha zawk a awm theih nan ruahmanna a kal mek thu leh inzaina hmanrua ur thianghlimna peih ṭêp a nih thu a sawi bawk.

Dr ZR Thiamsanga hi Hospital & Medical Education director Dr T Lalhmangaihi, Civil Hospital medical superintendent Dr Lal­hmuchhuaka, deputy medical superintendent Dr. John Zo­hmingthanga leh official dangte'n an ṭawiawm a ni.