Champhaiah meizial hâl ral
Covid-19 hripui léng vanga sorkarin ramri a khâr hnuah Myanmar aṭanga Ṭiau lui kaltlanga dan loa khawchhak meizial (cigarette) lak luh eng emaw zat man a ni tawh a, chu'ng an man tawhte chu July 2, Ningani khan Champhaiah hâl ral a ni. Police-te chuan cigarette man tawhte chu Champhai District Court-ah tihral turin an dil a, Court remtihnain Ningani khan special judge R Vanlalena leh SP Rex Zarzoliana ten an hâl ral. Cigarette-te hi ram dang siam a nih avangin sorkara chhûn luh leh suma chantir theih a ni lo a, chuvang chuan hâl ral a ni. Cigarette hâl ral tâkte chu thubuai chinfel tawh case 83 leh carton 48 a ni a, cheng nuai 29.3 hûa chhût a ni.