Vankal Solar Park hawn a ni

20 Mw. Vankal Solar Park chu nimin khan Power & Electricity minister R Lalzirliana'n Kawlkulh Highway Restaurant-ah a hawng. Vankal Solar Park hi a hmun ngeia hawn tura ruahman ni mah se, Ningani zana ruahsur nasa avangin lei min a awm a, a kal theih loh.

R Lalzirliana chuan Vankal khuaah kal thei hrih lo mah se, remchang hmasa berah kal ngei a tum thu sawiin, "Khaw lar leh danglam, fal deuh raiha awm, chanchin pawh ngah tak anih avang­in a hmun ngeia kal a, khaw mipuite hmel hmuh a, chibai ngei ka tum," a ti.

Thusawitu dang, bial­tu MLA H Rohluna chuan Vankal Solar Park hawn a ni chu amah leh a bialte tan thil lawmawm leh chhinchhiah tlak tak a nih thu a sawi.

Solar Park hawn inkhawm hi Power & Elec­tricty secretary H Laleng­mawia'n kaihruaiin, MLA TT Zothansanga pawhin thu a sawi.