Mizoramah vawk hri a lèn loh nan AH&Vety-in ṭan lâkpui turin ngen

AH & Vety department chuan, vawk pûl hri - African Swine Fever (ASF) laka Mizoram a him theihna atana ṭan lâkpui turin thupek kengkawhtute leh ramria duty zawng zawngte an ngen.

AH & Vety department-a thawktute chu hmun hnihah inṭhenin tunlai hian Mizoram ramri dep khaw hrang hrang leh duty-te an tlawh kual a; ramria duty zawng zawngte chu theihtawp chhuaha ASF vènpui turin an ngen a ni. AH&Vety tarlan danin, ASF hi kumin March thla khan Assam leh Arunachal Pradesh-ah a léng a, vawk 20,000 chuangin an thih phah. Myanmar-ah pawh kumin February khan a léng bawk. Kum 2013, 2016 leh 2018-ahte PRRS a léng a, Mizoramah vawktê nasa taka suat niin, vawk vulhtute dinhmun a nghawng hle a, ram eco­nomy pawh a tlak­hniam phah niin AH&Vety chuan an tarlang.