NHM-a thawkte'n badge dum an bel; An hlawh tur pek chhuah tura tih a ni

NHMCAM hruaitute hnen aṭanga Vanglaini thu dawn danin, Health Mi­nister chuan meeting-ah hian Finance department aiawha telte chu hlawh tur pe chhuak turin a hrilh a, Finance department aiawh pawhin an pek chhuah tur thu a sawi. A ngheta indah chungchang erawh chu Covid-19 leng vanga thil tih theih a nih loh avang­in ngaichâng rih turin Health Minister chuan a ngen a ni.

NHMCAM hruaitute chuan, an hlawh tur pek chhuah a nih chuan badge dum an bel chhunzawm dawn loh thu an sawi a, "Indah ngheh chung­chang hi chu Health Mi­nister ngenna a zahawm kan ti. Kan hlawh tur hi an release leh release loh kan ngaihven dawn a, an release tih kan hriat veleh badge dum kan bel lo ang," an ti.