Truenat khawl leina atan Rs. 2,01,15,000 pe chhuak

Chief Minister's Office (CMO) chuan swab sample endikna khawl tê chi, Truelab Quattro Real Time Quantitative Micro PCR (Truenat) 10 leina atan July 2, 2020 khan CM Relief Fund aṭangin Rs. 2,01,15,000 a pe chhuak.

Sanction order-a a lan danin, Truenat khawl leina tur sum cheng nuai 201.15 pek chhuah hi chief minister Zoramthanga remtihna leh Committee on Utilisation of CM Relief Fund for COVID-19 ten July 1, 2020-a an rel anga tih a ni a, sum hi Health & Family Welfare department hnenah pek a ni. Khawlte chu district hospital hrang hrangah hman a ni ang.