Gas man bithliah thar a ni

Indian Oil Corporation (IOC) chuan Mizoram khaw hrang hranga eirawngbawlna gas man a bithliah thar a, Food, Civil Supplies & Consumer Affairs department pawhin July 1, 2020 a hman ṭan turin a bithliah thar.

Rate tharah chuan domestics cylinder (kg 14.2) chu Vairengteah Rs. 732 man a ni a, hmun dang zawngah Rs. 740 a ni. Commercial cylinder (kg. 19) chu Vairengteah bûr khat Rs.1427 a ni a, hmun dang zawngah Rs.1447.50 a ni. 

Home delivery-a hralh a nih chuan a man bakah Rs. 70 belh tur niin, point delivery-a semchhuah a nih chuan Rs. 7.53 belh tur a ni a, showroom-a hralh a nih erawh chuan Rs. 27.60 zel paih tur a ni thung.