Ṭhaizawla ráltlânte ṭanpuina hlân

Steering Committee for Myanmar (SCM), Lunglei chuan nimin khan Lunglei bul Ṭhaizawl khuaa Myanmar ráltlân eng emaw zat awmna mumal la nei lote an tlawh a, ṭanpuina an hlàn.

SCM Lunglei hruaitute hi Ṭhaizawl khawtlang hruaitute'n an lo dawngsawng a; ráltlânte chu Inrinni khan Ṭhaizawl khuaah an thleng thut tih an sawi. Ráltlânte chu chhungkaw 77 niin, mi 309 an ni a, in ruak remchang leh kawtzawlahte an riak a ni.

SCM Lunglei hian ráltlânte mamawh hmasa tur buhfai, dailuah, tél, alu, silpouline leh thil dang eng emaw zat an pe a; Sertlang Group YMA-in thawmhnaw an khawn khawm ṭhahnem tak an hlan bawk.

Ráltlânte awmna tur leh ráltlân dang lut leh turte awmna tur camp sakna tur hmunhmate pawh SCM hruaitute leh Ṭhaizawl khawtlang hruaitute'n an enho nghal a; camp buatsaih hna chu Ṭhaizawl Branch YMA-in vawiinah an thawk dawn a ni.