Dawr inhawn chhâwk sût

Aizawl district-a January 8-31, 2022 chhunga dawr inhawn chhâwk tura thupek chhuah tawh chu January 15, Inrinni khan Aizawl DC Dr Lalhriatzuali Ralte chuan sût a nih thu leh, January 17, vawiin aṭangin dawr zawng zawng ni tin an inhawng thei tawh dawn tih a puang.

Aizawl Bawrhsap tarlan danin, dawr nghaktu leh dawrtute'n Covid-19 laka invênna turte ṭha takin an zâwm tur a ni a, dawrah ṭhut khawmuan phal a ni lo. Dawr chhung leh pawnah dawrtute inhlat thei ang bera an awm theih nan dawr neitute chu ruahmanna siam tura tih an ni a, task force-te'n an enpui/endik ṭhin turin ruahman a ni.