MNF hi a thawk peih peih vanneihna - Robert Romawia

Minister of state Robert Romawia Royte chuan January 15, Inrinni zing khan Republic Vengthlangah mi thar lawm luh inkhawm a hmanpui a, kum 2023 inthlanpuiah Aizawl South-I bialah MNF an tlin ngei theih nan ṭan an lak thu sawiin, “MNF hi member tharte en hrang ngai lo party a nih angin, a thawk peih peih vanneihna party a ni,” a ti.

Robert Romawia chuan, MNF zawm tharte lawmna thu sawiin, “Zoram hmun hrang hrangah MNF zawm thar an tam em em chhan chu Pu Zoramthanga kaihhruai sorkar hmalaknate mipuiin ṭha an tih vang leh party dangte innghahna tlak an awm loh vang a ni,” a ti a; Mizoram sorkarin ramri a humhalh dan te, hripui a do dan te, ráltlân sorkarin a enkawl dante avangin mi tam takin MNF an zawm mek niin a sawi.

Inkhawmah hian bialtu councillor David Zohmangaiha pawhin thu a sawi a ni.