Siahaah MPF seminar buatsaih

MPF Siaha District chuan August 25, Inrinni khan Siaha Presbyterian Kohhran hall-ah kumina Assembly inthlan awm tur pualin inthlanna dik, felfai leh muanawm taka neih dan tur chungchang sawihona an buatsaih.

Seminar hi Rev. VL Ngai Hlychho-in a kaihruai a, Dr Chawngkhuma Chawng­thu-in MPF, Siaha District Forum hmalak dan tlangpui a sawi.

Siaha DC Harleen Kaur-i'n inthlanna dik leh felfai neih theihna tura mipuiten tan an lak a pawimawh thu te, zalen taka vote thlak theihna tura sorkar lamin tan lak a tum dante a sawi a; MPF general secretary Rev. Dr Biakmawia leh Election officer B Malsawmtluangi ten inthlanna dik leh fel­fai neih theihna tura inbuat­saih dan tur an sawi a ni.