Beti Bachao, Beti Padhao-a hmalakna nei loah sorkar puh

BJP-a Mizoram enkawltu Pawan Sharma chuan nimin khan BJP Mizoram Pradesh pisaa inkhawmah thu sawiin, sorkar laipui scheme - Beti Bachao, Beti Padhao hnuai­ah hmeichhe tleirawlte tan Rs. 6,00,000 thleng sanction a nih laiin, Mizoram sorkarin hmalakna a nei lo niin a sawi.

Pawan Sharma chuan, Mizoram hian sorkar thar in neih a ngai tawh a ni. A chhan chu, Central aṭanga Prime Minister Scheme tam tak leh state sorkar ṭanpuina hrang hrang awm ṭhinte hi a nihna anga hnathawh a tam lo hle. Kawng chungchang leh hmeichhiate hamṭhatna tur - Beti Bachao, Beti Padhao-ah hmeichhe tleirawlte tan cheng nuai 6 thleng sanction a nih laiin Mizoram sorkarin hmalakna a nei lo," a ti.

Pawan Sharma chuan, "Mizorama kawng chhe reng mai hmuh ṭhin hi chuan sor­kar hian mipuite hi an zah lo hle che u tih a lang reng a ni," a ti a; Mizo­rama Congress MLA pakhatin 'Mizoram mipui­te chu an â lutuk, kawng chhiat vangin iak iak mah se la, inthlan dawn­ah kan siamṭha ang a, an theihnghilh leh vek mai ang' tia a sawi chuan a rilru a tihnat thu a sawi.