Chawlhhmunah Photo Exhibition nei mek

Ni nga awh tur Photo Exhibition chu nimin khan Chawlhhmun com­mu­nity hall-ah ṭan a ni a, Aizawl bawrhsap Dr A Muthamma-i'n a hawng.

Photo Exhibition hi prime minister Narendra Modi kaihhruai NDA sorkar kum li a kal tawh chhunga hlawhtlinna a neihte tarlanna a ni a, Ministry of Information & Broadcasting hnuaia Regional Outreach Bu­reau péng pakhat Field Outreach Bureau buatsaih niin, thupui chu 'Saaf Niyat Sahi Vikas' (Clean intent, right development) tih a ni.

Dr A Mathumma chuan, PM Narendra Modi kaihhruai sorkar laipuiin kum li chhungin ram mipuite hmasawnna turin scheme leh prog­ramme hrang hrang a kalpui tih a sawi a, "Pradhan Mantri Jan Dhan Yojana (PMJDY) hnuaiah Mizorama mi 98%-in an hmingin bank account an nei tawh a ni," a ti a; exhibition-a thlalak tarlante chuan sorkar hma­laknate chiang zawka mi­pui a hriat fiahtir a beisei thu a sawi.

Photo Exhibition hawn­naah hian Field Outreach Bureau, Imphal-a field exhibition officer Gin Gangte pawhin thu a sawi a; Chawlhhmun Local Council chairman H Lalnunsema, YMA President leh zirlaite an tel a ni.