Lunglei-ah dan zirho

Nimin khan Lunglei DC conference hall-ah sorkar official, khawtlang hruaitute leh village council member-te tan The Mizoram Right To Public Service Act, 2015 zirhona buatsaih a ni.

Training-a tarlan danin, The Mizoram Right To Public Service Act, 2015-in a tum ber chu, Mizoram chhunga mipuiin sorkar hna thawhna (public service) tarlan bikahte hun bituk chhungin an mamawh an dil chhuah ngei theihna tur leh chutiang hawi zawnga mipuite tana awlsamna leh hamṭhatna awmte pek chhuah a ni.

Dan hian Mizoram pumpui huam mah se, Sixth Schedule hnuaia Autonomous District Council-te chuan an adopt loh chuan a huam lo thung. Danin a huamte chu - sorkar hnathawk nghet te, hmun dang aṭanga sorkar hnathawk a hawh lailâwk te, tualchhung sorkara thu­neitute leh sorkarin sum leh paia a tuamhlawm pawla hna thawkte a ni.