Hriselna lama hmalak dan tur sawiho

Nimin khan Lunglei chief medical officer (CMO) Dr.Thani Pachuau hoin, Lungsenah hriselna kawnga hmalak dan tur hrang hrang leh hmalak mekte Village Health and Sanitation and Nutrition Committee (VHSNC) memberte'n an sawiho.

Dr. Thani Pachuau chuan thu sawiin, "Hri­selna kawngah mitinten ngaihtuahna leh tha leh zung thawh se tih hi sorkar ngaihdan a ni. Thianghlimna leh hri­selna kawngah mipui kan ṭhanharh a ṭul tawh hle. Lungsen hi VHSNC anga kan hmalakna hmasa ber a ni a, chuvang chuan block dang entawn tlaka kan thawh a ngai a ni," a ti.

Hriselna kan ngaih­pawimawh deuh deuh a ngaih thu CMO chuan sawiin, 'Kan fai phawt chuan kan hrisel mai dawn a ni," a ti a, kan in leh a vel vawnfai dan te, kan ran vulh dante hi enfiah a ngaih thu a sawi.

Lungsen PHC hi June leh July, 2018 khan malaria hrik pai hmuh­chhuah san berna a nih avangin hriselna lama hmalak dan tur sawihona hun hi buatsaih a ni.