Thenzawlah motivation campaign

Commerce & In­dustries department chuan, nimin khan Thenzawl Joint YMA Hall-ah NEDP hnuaiah 'Motivation for Weavers and Entreprenuership' an buatsaih a, Commerce & Industries secretary Zothankhuma'n a hawng.

Zothankhuma chuan, campaign bul ṭanna atana Thenzawl leh a chhehvel khuate an hmanna chhan chu, tih tak taka eizawn nana puantah hmang an tam vang a nih thu a sawi a, "Thailand, Indonesia, Laos, etc. ahte puan bih an tam a, heng ramte leh ram changkang zawk USA thlenga hralh theih tura puan tahtute'n ṭan an lak a ṭul a; design leh rawng cheiah Mizote aia thiam an awm bik lo. Synthetic/acrylic lâ kan hmang nasa a, hei hi ram dangin an duh loh avangin natural fibre - cotton, silk leh a dangtea kan thlak a ṭul a hni," a ti.

Motivation for Wea­vers and Entrepre­nuer­ship-ah hian Thenzawl bakah, Mualṭhuam, Ramlaitui, Kânghmun South, Buangpui, Neihloh leh Zote South khua aṭangin puan tahtu mi 200 vel an tel a; thil chi hrang hrang zirtir an ni.