Aizawlah random test ṭan

Aizawl District Task Force on Covid-19 ruahmanna angin Aizawl khawpuiah nimin khan mipui awm tamnaah Covid-19 vei leh vei lote hriatna turin a náwlpuia swab sample endikna, random test kalpui ṭan a ni.

Random test hi nimin khan Millennium Centre kawtah neih a ni a; mi 136 endik niin, an zinga mi 19 (13.97%) chu Covid-19 positive an ni tih hmuh chhuah a ni.

Vawiinah Zion Street-ah random test tih leh a ni dawn a; January 19-ah Bara Bazarah, January 20-ah Ṭhuampuia Ch Chhunga Bus Terminal-ah leh, January 21-ah Falkland Park-ahte buatsaih leh a ni ang. Swab sample endikna hi chawhma dar 11 leh tlai 3 inkarah buatsaih tum a ni.