Covid-19 vangin mi 572 thi tawh

Nimin khan tlai dar 5 thlengin Covid-19 vangin mi pahnih an thi a; Mizoramah hripui vangin mi 572 an thi tawh a, tun January thla bikah mi 26 an thi tawh.

Nimin zing dar 5:30 khan Letthanga (84), Chawnpui, Aizawl chu State Referral Hospital-ah a thi a; Covid-19 vei a ni tih January 4, 2022 khan hmuh chhuah a ni a, hemi ní hian SRH-ah dah luh nghal a ni.

K Thangluna Sailo (86), Mualpheng, Saitual district pawh nimin zing dar 5:40 khan hripui vangin SRH-ah a thi a; Covid-19 positive a ni tih January 8, 2022 khan finfiah niin, January 11 aṭangin SRH-ah enkawl a ni a, natna dang nei tel a ni tih sorkar thuchhuakin a tarlang.