Thailand Ambassador leh Chief Minister an inkâwm

New Delhi-a Royal Thai Embassy-a amba­ssador Chuntintorn Gong­sakdi chu Mizoramah a rawn zin a, August 28, Thawhlehni tlai khan chief minister Lal Thanhawla nen CM bang­la-ah an inkâwm.

Thailand Ambassador chuan, Mizorama a rawn kal chhan ber chu, an ram lal fanu princess Maha Chakri Sirindhorn-i'n November 2018-ah India ram a rawn tlawh dawn vang a nih thu a sawi a, "Mizoram pawh tlawh tel ve a tum avangin ruahmanna siam tura lo kal hmasa ka ni," a ti a; ram pahnih inkalpawh tawnna ṭha zawk neih zel a duh thu a sawi.

Princess Maha Chakri Sirindhorn hi India ram chuan Padma Bhushan chawimawina lo hlan tawh a, India ram hi vawi 17 a lo tlawh tawh a ni.