Union Minister leh CM Hawla an inkâwm

Ni hnih cháma Mizorama rawn zin, Union minister of state for Health & Family Welfare Anupriya Patel leh chief minister Lal Thanhawla te chu August 28, Thawhlehni zan khan CM banglaah an inkâwm.

Union minister Anupriya Patel hian CM Lal Thanhawla hnenah hian Mizoram sorkarin hriselna leh inenkawlna lama a hmalakna hrang hrang a hriatpui thu a hrilh a, Lal Thanhawla pawhin Mizoram chanchinte a hrilh. Hriselna lama Mizoram sorkar hmalakna kal mekte an sawi dun a ni.

Union Health & Family Welfare Minister hian nimin chawhma khan Aijal Club-ah Health secretary Lalrinlaina Fanai leh Health department hotu dangte 'Review meeting on National Health Mission Activities & Projects under DoNER’ a neihpui a; Mizorama National Health Mission (NHM) hnuaia hmalakna hrang hrangte a sawipui.

Meeting-ah hian, immunisation programme kalpui dan te, communicable disease control, National Leprosy Eradication Programme, Revised National TB Control Programme, NPCDCS, National Programme for Prevention & Control of Deafness, National Programme for Palliative Care, National Programme for Health Care for Elderly, Blood Services & Disorders, National Programme for Blindness & Visual Impairment, National Tobacco Control Programme, Iodine Deficiency Disease Control, National Oral Health Progamme, Free Drugs Service Initiative, National Urban Health Mission, Prime Minister’s National Dialysis Programme, Integrated Disease Surveillance Project, PCPNDT Act leh Family Planning hnuaia hmalaknate sawi lan a ni.

Anupriya Patel chuan, hriselna lamah Mizoramin hma la ṭha thawkhat mah se, hmeichhe tleirawlte tana Menstrual Hygiene Programme te, Drugs Control leh Family Planning lamah ṭan lak lehzual ngaia a hriat thu a sawi.

Union Health Minister hi Ministry of HFW-a joint secretary Preeti Pant-i'n a rawn zui a; nimin tlai khan Mizoram an chhuahsan a ni.