SIT-in mi panga man tawh

August 23, 2018 zana Mamit DC office complex-a Election Office rawk a nih chungchang chhuina kal zelah Mamit police-a Special Investigation Team (SIT) chuan rinhlelh thilah nimin khan mi panga an la a, Mamit Police Station-ah kawlin, thu an zawhfiah mek zel.

Mamit police hotute hnen aṭanga thu dawn danin, Police SIT-in mi panga an lak tawhte hi mipa pathum leh hmeichhia pahnih an ni a, an vaiin Election office-a thawk vek an ni. Tarlan tawh angin, August 23 zana Mamita Election office rawknaah hian Tripura relief camp-a awm Bru-te zinga electoral roll special fevision tihna form 6, 7 leh 8-te rukbo a ni.