Heroin kawltu Court-in hrem

Siaha-a Special Court (NDPS Act) judge Dr HTC Lalrinchhana chuan heroin kawl vanga man Thang­chuailova s/o Biakdawla, Kawlchaw, Siaha district chu Narcotics Drugs & Psychotropic Substances Act, 1985 tlawhchhanin thiam loh a chantir a, kum li chhung hrehawm taka táng tur leh Rs. 10,000 chawi turin a hrem.

Special Court thu­rem­naa a lan danin, Thang­chuailova hi Excise & Narcotics department-in May 2018 khan heroin gram 5.743 a kawl nen an man a; NDPS Act Section 21 (b) tlawhchhanin thubuai siamsak a ni. Thubuaiah hian Special Court chuan August 29, 2018 khan thutlukna a siam a; kum li chhung táng tur leh Rs. 10,000 chawi turin a hrem a, pawisa hi a chawi loh chuan ni 100 dang tàn belh turin a ti bawk.