Ṭawng dang Mizo ṭawnga seng luh sawiho

Nimin khan Vanapa Hall-ah 'Ṭawng dang Mizo ṭawnga seng luh' tih thupui sawihona hun buatsaih a ni a, Art & Culture minister R Romawia'n a hmanpui.

R Romawia chuan, mihringte ṭawng inhriat pawh dan ber chu thluak aṭangin a nih thu a sawi a, "Thluakin a hriat ngai loh ṭawng chu kan hrethiam lo a, inbiak a harsa ṭhin. India ramah ṭawng hrang a tam hle a, hnam tinin mahni ṭawng script an nei vek a, a script hriat loh chuan an ṭawng hriatthiam a har. Mizote e­rawh chuan vanneihthlak takin kan tawng script hi English nen a inang a, ṭawng inang lo mah se, script a inan avangin awlsamna tam tak a awm a ni," a ti.

Art & Culture Minister chuan, ṭawng chu economics nen a inthlung tlat tih sawiin, "Kan va dawr tur leh kan mamawhte ṭawng kan zir leh hriatthiam a ngai a, chutiang­in politics nen pawh a inkungkaih zel a ni," a ti a; Mizo ṭawng tihhausak nan hnam dang ṭawng seng luh dan tur leh Mizo ṭawng humhalh zel dan tur ngaihtuah a pawimawh thu a sawi.

Sawihonaah hian C Chhuanvawra ziah, 'Ṭawng dang Mizo ṭawng­a seng luhte leh Mizo ṭawng inher dang­lam dan' zirho a ni.