HIMNA-MADAT field visit

Project - HIMNA MADAT (Mizoram Against Drugs, Alcohol and Tobacco) hnuaiah nimin khan Aizawla zirna-in hrang hranga zirlai eng emaw zatte chu field visit neihpui an ni a; Aizawl Civil Hospital leh Mizoram State Cancer Institute, Zemabawkte an tlawhpui.

HIMNA-MADAT field visit programme-ah hian Hunthar Veng Middle School, Modern English School leh DIET Practice School aṭangin zirlai 37 leh zirtirtute an tel a; Aizawl Civil Hospital-ah - ENT, Medicine, Casualty leh Tobacco Cessation Clinic (TCC)-te fanpui an ni. Damdawi-ina vaihlo tih vanga damlote an tlawh a, TCC-ah vaihlo ti ṭhin sim duhte counseling pek dan entir an ni. Cancer Hospital hmun hrang hrangte fanpui an ni bawk.