Motor-a dah tur bawhhlawh báwm sem

Urban Development & Poverty Allevation (UDPA) department chuan Swachh Bharat Mission hmalakna kal zelah nimin khan Serchhipa auto-rickshaw 130 leh Aizawl leh Serchhip inkara tlan maxicab service 30-a dah turin bawlhhlawm báwm tê an sem.

Bawhhlawh báwm semtu Vanthangpuii, Serchhipa UDPA officer chuan, ram changkang tehna pawimawh tak chu faina a ni tih sawiin, "Sorkar laipuiin Swachh Bharat Mission chak takin a kalpui zel a, Serchhip khawpui pawh mi dangte entawn tlak khawpui fai kan nih theih nan ami chengte'n mawhphurhna kan nei a ni," a ti a; auto-rickshaw leh maxicab aṭanga bawlhhlawh paih chhuah a nih loh nan bawlhhlawm báwm an sem chu hmang ṭangkai turin driver-te leh mipui a chah.

Serchhipa IPRO K Saitluanga pawhin mei zu ṭhinte'n meizial bung leh a kaihhnawih bawlhhlawh dangte an paihna turin thîr bawlhhlawh báwm 10 a sem bawk a, Mizoram Upa Pawl hnenah a hlan. MUP-te hian bawlhhlawh báwm an dawnte chu Serchhip khawpui chhung hmun hrang hrangah an dah nghal a ni.