Swachhata Pakhwada hman ṭan a ni

School Education depart­ment bultumin nimin khan India rama faina beihpui thlakna, Swachh Bharat hnuaia hmalakna pêng pakhat, Swachhata Pakhwada (Cleanliness Fortnight) 2018 chu Mizoram hmun ṭhenkhatah hman a ni a; faina thutiam, Shapath Day hman nghal a ni bawk.

Swachhata Pakhwada hi Aizawlah chuan Chal­tlang High School leh Chaltlang HSS tual­zawlah School Edu­ca­tion director K Lalthawm­mawia'n a hawng a; fai chu changkanna leh hriselna a nih avangin zirlaite chu faina nunpui turin a chah.

Mamit District Education Office pawhin Mamit High School-ah Swachhata Pakhwada hawnna hun an hmang a, Mamit DC Bhupesh Chaudhary khuallian a ni. He hunah hian Mamit khawpuia high school hrang hranga zirlaite an tel a; inkhawm zawhah zirlaite'n Mamit khawlaia bawlhhlawhte an chhar fai nghal.

Swachhata Pakhwa-da hi September 1-15 chhungin School Edu­cation department hnuaia sikul zawng zawngah hman tur a ni.