Mobile RT-PCR van a lo thleng tawh

Health minister Dr R Lalthangliana hoin nimin khan district tina chief medical officer (CMO)-te‘n video conferencing hmangin Covid-19 dinhmun an sawiho. Minister chuan, hripui vei pung leh avangin healthcare worker indaih lohna a nasat thu leh Mizoram ta tur mobile RT-PCR van (I-Lab) a lo thlen tawh thu a sawi.

Dr R Lalthangliana chuan, Mizoram ta tur mobile RT-PCR van chu Mizoram thlen a ni tawh a, vawiin hian internet kaltlangin Union minister for Science & Technology Dr Jitendra Singh-a‘n a vailiam dawn tih a sawi a ni.

Health Minister chuan, Covid-19 do danah kalphung thlak a ṭul leh ṭul loh te, ṭul ta se eng hawi zawngin nge kalphung duan a nih ang tihte ngaihtuah a ṭul thu a sawi.