Vety Minister-in Thenzawla AH & Vety Farm tlawh

Animal Husbandry & Veterinary (AH&Vety) minister Dr K Beichhua chuan nimin khan Then­zawla AH&Vety Farm a tlawh a, farm tihchangtlun dan tur a en.

He hunah hian dîl zauh dan tur te, ran tlatna mumal zawk siam dan tur te, ram humhalh leh hung dan tur te, ran chaw atana hman theih thing leh thlai phun belh dan tur te, ar leh varak awp keuna (hatchery) ṭha zawk din belh dan tur te, farm chhunga inkalpawhna ṭha zawk siam dan turte leh dîl chhehvel chei dan turte department officer-te nen an enho a ni.

Minister hi AH&Vety secretary Lalzarmawii, joint sec. Dr Lalngura Tlau, director Dr H Laltlan­mawia, joint director Dr C Lalrin­tluanga, Thenzawl Farm general manager Dr PC Lalsangzuala bakah manager pahnih Dr Lalramdintluanga leh Dr Lalmuanpuia Samte ten an ṭawiawm.