Mizoram ENVIS Hub-ten Certificate course in Pollution Monitors ṭan

Mizoram Pollution Control Board (MPCB) hnuaia Mizoram ENVIS Hub chuan, nimin khan Directorate of Economics & Statistics conference hall-ah Green Skill Deve­lopment Programme (GSDP) training, Cer­tificate Course in Pollu­tion Monitors (Air & Water) an buatsaih a; thla hnih awh tur training hi PCCF Lalram Thanga'n a hawng.

Training hawnna in­khawm hi MPCB mem­ber secretary C Lalduh­awm-a'n a kaihruai a; Lalram Thanga chuan, khawvêlin Go Green Prog­ramme hi a ngai pawi­mawh hlê tih sawiin, "India pawhin tunah hian GSDP kalpuiin Mizoramah hian kan lo hawng ve thei ta a, a lâwmawm hle a ni,' a ti a; hna zawnna atân leh mahnia eizawn nâna hmang thei tur khawpa inzir chhuak turin zirlaite a fuih.

MPCB-a scienrtist-B leh ENVIS coordinator Dr Lalramnghaki Pachuau-in Green Skill Development Programme chungchang leh training kalphung turte a sawifiah.

GSDP hnuaia Certi­ficate Course in Pollution Monitors (Air & Water) trai­ning hi a thawh khatna tur a ni a, graduate chin, hna nghet nei lo mi 20-te training pek an ni dawn a, Mizoram University, Science & Technology department, MPCB, Mi­zorama science college leh Central Pollution Control Board-a mithiamte'n an zirtir dawn a ni.

GSDP hi Skill India Mission leh Ministry of Environment, Forests & Climate Change-te bul­tum niin, India ram state hrang hrangah an kalpui a; lehkhathiam hna nei lo, kum 18 chung lam tân course hrang hrangah trai­ning an buatsaih ṭhin a ni.