KHAWTHLIR

Beihrual Centenary
September thla hi Beihrual thla a ni a, Mizorama kohhran pawl hrang hrangte'n September 1, Inrinni zan khan an hmang ṭan. Kumin hi Beihrual hman aṭanga kum 100-na, Beihrual Centenary a ni a, kohhran hrang hrangin an lawm. Presbyterian-a tualchhung kohhran tam tak chuan Beihrual Centenary pualin hriatrengna an siam. Beihrual hi kum 1918-ah hman ṭan a ni a; a tirah chuan June thlaah hman ṭhin ni mah se, kum 1925 aṭangin September thlaah hman ṭhin a ni.

ZPM V/C a piang
Kawnpui Village Council-III, Congress party kaihhruai mekah tun hnai khan ṭangrual pawl, Zoram peoples' Movement (ZPM) kaihhruai sorkar a ding. Kolasib District Local Administration Officer ruahmannain hotu an inruat ṭha a; president H Lalfakzuala leh vice president F Vanlalhruaia te chu ZPM mi an ni a, treasurer C Lalmawizuala chu MNF a ni thung. Anni bakah hian member dang pahnih, Congress party mi ve ve an awm bawk.

Deptt. pahnih Inráwn khawm
Nimin khan UDPA minister Zodintluanga pisaah UDPA department leh Social Welfare department-te'n inràwn khawmna hun an hmang a; Social Welfare minister PC Lalthanliana bakah, UDPA secretary Dr C Vanlalramsanga leh Social Welfare secretary K Vanlalráwni leh department pahniha hotu dangte an tel. UDPA-in Mizoram State Convention Centre an sak tur leh Social Welfare hmalaknaa Tribal Research Institute, Tanhrila sak tur chungchang sawiho a ni.