Chakma pathumin tleirawl pawngsual?

Pang Zirlai Pawl (PZP) general headquarters chuan thuchhuah siamin, Chamdur Project khuaa kum tling lo hmeichhe pakhat chu Chakma mi pathumin an pawngsual niin an tarlang a; an lungawi loh thu leh Chakma pathumte chu a na thei ang bera hrem turin thuneitute an ngen tih an sawi.

PZP chuan, August 25, 2018 zan khan Chamdur-P khua hmeichhe tleirawl pakhat chu Vaseikaiah Chakma pathum - Tuitang Chakma, Longpuinghat mi leh Simon Chakma leh Sukromoni Chakma, Vaseikai khaw mi ve vete'n an pawgsual niin an sawi a, "He thil thleng hi PZP chuan na kan ti a, Mizorama hnam dangin Zo fate chunga zahna nei lêk loa thil rapthlak tak a thleng hi pawi a ti hle. Chakma-te'n Vaseikaiah Páng fate harsatna min thlen fo hi kan duh lo hle a ni," an ti.