Varsity Platform 2018 buatsaih a ni

Mizoram University Discussion Forum chuan nimin khan MZU Auditorium-ah 'Varsity Platform 2018' an buatsaih a; political party hrang hrang hruaitute'n an pawl kalphung leh thil tumte an sawi.

Varsity Platform 2018-ah hian BJP president Dr JV Hluna, ZPM chief ministerial candiate Lalduhoma, PRISM president Vanlalruata leh Zoramthar president Zaichhawna ten thu an sawi. MPCC leh MNF aiawh an tel lo thung.

MPCC chuan an telh loh chhan chu, Mizoram People Forum (MPF) leh political party inremnaah MPF buatsaih a nih loh chuan eng joint platform-ah mah tel phal a nih loh vang te, welcome address sawitu tur Prof. F Lalnunmawia chu Aizawl South-III biala MNF candidate tura inbuatsaih a nih vangte leh, keynote address sawi tur Vanglaini editor K Sapdanga chu ZPM aṭanga Aizawl East-I bial viltu a nih vangte a nih thu an tarlang.

MNF pawhin, MPF leh political party inremnaah MPF buatsaih a nih loh chuan eng joint platform-ah mah tel phal a nih loh vang leh, keynote address sawi tur Vanglaini editor K Sapdanga chu ZPM aṭanga Aizawl East-I bial viltu a nih vangte a nih thu an tarlang bawk.