JCB chesualah a khalhtu a thi

Nimin zing dar 3 vel khan Hrangchalkawn piah, Khàmhar hmuna lei­ min thiantu JCB chu chesual­in kawng thlangah a tla a, JCB operator Lalhmun­siama a hmunah a thi.

Thu dawn danin, JCB hi PWD Highways Divi­sion ta a ni a; Khamharah hian Thawhṭanni zana leiminin kawngpui a hnawh a, khualzin eng emaw zat an tàn avangin kawngpui tihtlang tumin zanah hna thawh nghal a ni.

Lirthei kal theiha kawng an then hnuah lirthei tangkhangte an tlang hman a; zau zawka kawng titlang tura a thawk leh tur chu a lei rahin a dâwl loh avangin a chim a, kawng thlangah tlain, metre 130 vel a thui a lum.

Lalhmunsiama hi Ratu khaw chhuak, Ṭawipui North-II ah nupui neia inbengbel a ni a, Theiriata in luaha khawsa mek a ni.