A hun taka hlawh pe turin phût

BJP, Mizoram Pradesh ṭhalaite chuan thuchhuah siamin, Mizoram sorkarin a hnathawkte, a bikin group A leh B-te a hun taka hlawh a pe thei ṭhin lo chu pawi an tih thu an tarlang a; thla thar awm leh tur aṭang chuan nawr chhuah chawp ngai loa a hun taka hlawh pe ṭhin tawh turin Mizoram sorkar an phût.

BJP ṭhalaite chuan, MNF hruai Mizoram sorkar hnuaiah sorkar hnathawkte sum leh paiah nasa taka hrêk an ni chu pawi an tih thu an sawi a, “An hlawh aṭanga sum an dahṭhat GP Fund an mamawh hun atana lak chhuah tur a awm lo te, healthcare bill leh contractor bill táng rei lutuk te, pension tawhte’n pawisa an la thei lote hi chinfelsak turin kan phût tlat a ni,” an ti.

Mipui hmaa chief minister Zoramthanga a intiam ang ngeiin, SEDP pawh a rang thei ang bera sem turin MNF sorkar an phût thu an tarlang bawk.