PWD-in mimal khawl hman tam an tum

Mizoram Earthmover Owners' Union chuan nimin khan Falkland Venga Thara Resort-ah General Assembly vawi khatna an hmang a; PWD chief engineer K Lalsawmvela'n hmanpuiin, PWD-in khawl chi hrang hrang a lei ṭhin chu zawi zawia tihtlem an tum leh a theih chinah mimal khawl hman tam an tum thu a sawi.

K Lalsawmvela chuan, JCB leh khawl dang neitute chu hnam dang hnuaia an thawh dawnin inremna fel tak ziahpui ṭhin turin a chah a, inremna ziak lo, a hnua harsatna tâwk leh an awm ṭhin thu a sawi. Inkalpawhna kawngpui hmun hrang hranga sialna turin DPR siam mek a nih thu leh, PMGSY tâwp tawh mah se, scheme thar a awm leh zel dawn thu a sawi bawk.

Mizoram Earthmover Owners' Union hian, hnam dang, dan loa Mizoram chhunga khawl hmanga hna thawkte ûm chhuah leh, an rate darkar khata Rs. 1,800 chu Rs. 2,000 - 2,500 ah tihsan an rel. An pawlah hian member 150 vel an awm mek a; tlaiah MJA kaihhruaiin kum 2018-20 chhunga an hruaitu turte an thlang a ni.