Khuarêl chhiatna chungchang zirho

Lunglei District Disaster Management Authority leh Geology & Mineral Resources department ṭangkawp chuan nimin khan Lunglei Convention Center-ah Lunglei khawpui chung bakah, Lungsen, Thénhlûm, Mualṭhuam 'N' leh Hnahthial V/C-te leh YMA member-te pualin lei min, lei tawlh leh lei khi chungchang zirna an buatsaih.

Training hmanpuitu Lunglei additional DC Benjamin Lalzawma chuan, khuarel chhiatna chu dan theih a ni lo tih sawiin, "Kan tih theih chu fimkhur a ni. Khuarel chhiatna 80% hi mihring siam chawp niin, khawvelin a buaipui polythene ṭawih thei lo kan paih hian leimin a siam thei a ni," a ti a; ram tana thil ṭha mithiamte'n an sawite chu mahni veng leh khuaah mipui hrilh darh turin V/C leh YMA member-te a chah.

Training-ah hian geologist Sang­hnuna'n ‘Introduction to Geology’ leh ‘Land Mass Movement and Tectonic Plate Movement’ tih thupui a sawi a; zawhna leh chhanna hun hman a ni bawk.