Sual dona thawhho dan tur sawiho

Nimin khan Lunglei SP C Lalthanmawia hoin SP conference hall-ah, Lungleia tlawmngai pawl hrang hrang leh V/C president ten, sual do kawnga thawhho dan tur leh zu leh ruihhlo hluar zel do dan tur an sawiho.

Meeting-a tarlan dan­in, Assembly inthlanpui rálmuang taka neih a nih theihna atan silai nei zawng zawngte'n an license leh silai endiksak vek turin Lunglei district-ah pawh chak tak a hmalak a ni. Silai nei zawng zawngte chu mahni awmna aṭanga police station hnai berah September 15, 2018 ral hmaiin an silai leh license kenga endiktir vek tura hriattir an ni.

Lunglei Traffic Road Accident/Road Safety Illegal Foreigner/ILP Violators chungchang leh Lunglei khawpui chhung hmun hrang hranga CCTV dah mek chungchangte leh pawimawh dangte pawh meeting-ah hian sawiho a ni bawk.