Ṭhalaite hmasawnna atan theihtawp Chhuahin hma kan la - Lalhimpuia

Mizoram Youth Commission (MYC) chairman Joseph Lalhimpuia chuan ṭhalaite hmasawnna atan theihtawp chhuaha hma an lak mek thu a sawi.

Zobawk North Community Hall cum Handloom Common Facilitation Centre (CFC) sakna tur lungphum nimina a phumnaah thu sawiin, "Tun hnaia sipai lak tur atan Mizo ṭhalaite a tam thei ang ber lak an nih theihna turin MYC kal­tlangin inzirlawkna Pre-Recruitment Training district tinah buatsaih mek a ni a, SSC Coaching, NEET leh IIT-JEE exam coaching, IAS Coaching leh IELTS Training-te pawh kalpui mek a ni," a ti.

Zobawk N Community Hall cum Handloom CFC hi NEDP kaltlanga cheng nuai 55.70 senga sak tura ruahman a ni.