Sep. 17 hmaa an thil phut a hlawhtlin loh chuan MR-te'n chetlak an tum

National Trade Union of Mizoram (NTUM) JAC chuan thuchhuah siamin, an thil phutte September 17, 2018 hmaa tihpuitlin sak an nih loh chuan an thiam ang anga an thil phut tihhlawhtlin a nih theihna atana chetlak an tum thu an tarlang.

NTUM chuan muster roll-te tana skill upgrade na dan leh pay revision siam an phut thu tarlangin, "MR-te hi an ṭhatlai hun zawng zawnga sorrkar tana thawk, hlawh chiah hmu, an hnathawh/duty lai pawh in chesual in boral se engmah hamṭhatna hmuh nei lo an ni. Sorkarin MR te a chhawr dan hi dan mit aṭanga thlir chuan ran anga chhawr an ni," an ti.

A ṭul anga che thei turin department hrang hranga MR-te chu inralring tura hriattirin NTUM chuan, "MR-te thil phut sorkarin a tihpuitlin sak loa, an hunbi tiam aral chuan mipuiten harsatna chi hrang hrang, abik tak in tui, electric, leh office hrang hrang-ah harsatna an tawk dawn a, mipui te hriatthiamna kan ngen lawk a ni," an ti.