Lunglei district-a hmalaknate sawiho

Minister C Lalrinsanga, Lunglei West bialtu MLA hoin July 1, Nilaini khan Lunglei district-a MLA ṭhenkhat leh Health department hotute'n Lunglei district-a hmalakna hrang hrang an sawiho.

C Lalrinsanga chuan, hripui dona kawnga Lunglei district mipui tana Health department hnathawhte fakawm a tih thu sawiin, "Tun din­hmuna Lunglei district-in Covid-19 test-na kháwl a neih sa leh hman lai mek bakah hian Chief Minister ruahmanna angin sorkarin TrueNAT Quattro, Mini Realtime PCR khawl bun tura ruahman mek a ni," a ti a; an district mipuite chu sorkar hmalakna ngaichâng chunga dawhthei taka sorkar thawhpui turin a sáwm.

Covid-19 donaa mi ṭha­hnemngaite inpekna chu Mizo nih nawmzia tilangtu a nih thu sawiin C Lalrinsanga chuan, "Hun khirh tak kan hma­chhawn mekah hian kan do hi thil thar a nih avangin, a tua mah hi experience nei sa kan awm lo. Thawktute pawh duh anga kan indaih thei lo tih hriain, mipui pawhin dawhthei takin sorkar ruahmannate kan thlàwp ṭha hle. Tun anga kan ṭan rual zel chuan hripui phênah hian malsawmna duhawm tak kan hâi chhuak thei a ni," a ti.

Meeting-ah hian Lunglei South bialtu MLA Dr K Pa­chhunga, Lunglei North bialtu MLA Dr Vanlalṭanpuia leh Health secretary H Lalengmawia te pawh an tel a ni.