Mizoramah mi 7,87,250-in Covid vaccine an la tawh

Mizoramah January 16, 2021 aṭanga January 22, 2022 thleng khan mi 7,87,250 hnenah Covid-19 vaccine dose 14,08,885 pek a ni tawh a, mi 6,08,704-in dose hnihna la tawhin, precautionary dose la tawh mi 12,931 an awm.

Integrated Disease Surveillance Programme (IDSP) tarlan danin, kumin January 22 thleng khan Mizoramah kum 18 chung lam hnenah Covid-19 vaccine dose 13,67,171 pek a ni tawh a, kum 15-18 inkarte hnena pek tawh 41,714 nen Mizorama vaccine pek tawh zawng zawng chu dose 14,08,885 a ni.

January 22, Inrinni thleng khan sorkar hmun ruahman aṭangin kum 15-17 inkar mi 41,714 hnenah Covid vaccine (Covaxin) pek a ni tawh.

Sorkar leh private facility hrang hrang aṭangin healthcare worker, frontline worker, kum 60 chin chung lam leh natna benvawn nei zinga Covid-19 vaccine dose hnihna la tawh leh dose hnihna an lâk aṭanga ni 270 (thla kua) liam tawh mi 12,931 hnenah precautionary dose pek a ni tawh bawk.

Dose khatna la tawh aṭanga dose hnihna la tawh mi 6,08,704 chu 77.32% a ni a, second dose la tawh zinga mi 12,931 (2.12%) hnenah precautionary dose pek tawh a ni.